पोखरामा हुन्डाईको इलेक्ट्रिक कार बुकिङ सुरु, पोखराको पाँच ठाउँ चार्जिङ स्टेसन

हुन्डाईको इलेक्ट्रिक कार कोना इभी पोखरामा पनि भित्रिएको छ । पोखरामा हुन्डाई कोनाको धमाधम बुकिङ भइरहेको आधिकारिक बिक्रेता एल।आई। मोटर्सका सेल्स एण्ड मार्केटिङ इन्चार्ज भीमसिंह खत्रीले जानकारी दिए । यसको मूल्य नेपाली बजारमा ५५ लाख ९६ हजार रुपैयाँ तोकिएको छ । यो विभिन्न चार कलर भेरिएन्टमा उपलब्ध छ । नेपाली बजारका लागि ३ वर्षको वारेन्टी र ८ वर्षको ब्याट्री वारेन्टीमा यो कार उपलब्ध छ ।

कोना ईभी हुन्डाईको पहिलो पूर्ण इलेक्ट्रिक सब–कम्प्याक्ट एसयूभी हो, जसमा क्लोज्ड ग्रिल र अद्भुत वाहिरी डिजाइन छ । यसको भित्री भागमा रहेको सेन्टर कन्सोलले सहज रुपमा सिफ्ट बाई वायर मोडलले गाडी चलाउन सहयोग गर्छ ।

कोना ईभीले १३५ पीएसको पावर दिन्छ र यसका कारण एसयूभीको दरिलोपनको साथ इलेक्ट्रिक पावरट्रेनको पावर प्रदान गर्छ । यसमा ३९।२ किलोवाट आवरको पोलिमर ब्याट्री प्याक छ, जसलाई सिंगल चार्ज गर्दा ३ सय किलोमिटर भन्दा बढी दुरी सम्म ड्राइभ गर्न सकिन्छ ।

यसमा टप बटम एलईडी डीआरएल, ढाकिएको फ्रन्ट चार्ज पोर्ट, एलईडी रियर ल्याम्प्स, अटोहोल्डको साथ इलेक्ट्रिक पार्किङ ब्रेक ९ईपीबी०, प्याडल सिफ्टर, तातो र हावा जाने अगाडिको सिटहरु, वायरलेस चार्जर, ६ एयरब्याग, हिल असिष्ट कन्ट्रोल आदि विशेषताहरु छन् ।

भारतीय बजारमा उपलब्ध कोना इलेक्ट्रिकमा ३९।२ किलोवाट आवरको ब्याट्री प्याक उपलब्ध छ । यसका साथमा उपलब्ध इलेक्ट्रिक मोटरले १३६ एचपी पावर र ३९५ एनएम पिक टर्क जेनेरेट गर्छ । यसमा इको, इको प्लस, कम्फर्ट र स्पोर्ट गरी चार ड्राइभिङ मोड उपलब्ध छ । कम्पनीका अनुसार यसले ९।७ सेकेन्डमै ० देखि १०० किलोमिटर प्रतिघण्टा सम्मको गति लिन सक्छ ।

सो गाडीमा दमदार सेफ्टी फिचर समेत उपलब्ध छ । यसमा ६ एयरब्याग, ईबीडीका साथ एबीएस, इलेक्ट्रोनिक स्ट्याबिलिटी कन्ट्रोल, हिल असिष्ट, गाइड लाइन्सका साथ रियर क्यामेरा र टायर प्रेसर मोनिटरिङ जस्ता फिचर उपलब्ध छन् ।

हुन्डाई कोना इलेक्ट्रिकलाई एसी लेवल २ चार्जरबाट ६ घण्टा १० मिनेटमा फुल चार्ज गर्न सकिन्छ । त्यसैगरी डीसी फास्ट चार्जरबाट यसलाई ५७ मिनेटमा ८० प्रतिशत चार्ज हुन सक्छ ।

पोखराको पाँच ठाउँमा चार्जिङ स्टेसन
पोखरामा हुन्डाई कोना भित्रिएसँगै ठाउँ ठाउँमा चार्जिङ स्टेसन स्थापना गरिएको छ । हुन्डाई सर्भिस सेन्टर बुद्धचोक, हुन्डाई सर्भिस सेन्टर पस्र्याङ, वाटरफ्रन्ट रिसोर्ट, होटल ग्राण्ड पोखरा, वाराही होटलमा चार्जिङ स्टेसन स्थापना भइसकेको खत्रीले जानकारी दिए ।

हाइवे तथा देशभरका मुख्य शहरमा चार्जिङ स्टेसन स्थापना भइसकेकाले इलेक्ट्रिक कार हुन्डाई कोनाको बिक्री नेपाली बजारमा बृद्धि हुने कम्पनीले विश्वास लिएको छ ।

प्रकाशित मितिः बिहिबार, साउन १६, २०७६     8:23:34 AM

Ganesh Pahari

See all posts by

Leave a Reply

Your email address will not be published. Required fields are marked *