असोज १५ भित्र मेलम्ची आउने सम्भावना कमजोर.

काठमाडौं, २३ जेठ/ बहुप्रतीक्षित मेलम्ची खानेपानी आयोजना सकिने समय लम्बिने सम्भावना बढेको छ । सुरुङ खन्ने रफ्तार घटेपछि १५ असोजभित्र उपत्यकामा खानेपानी ल्याउने सम्भावना घटेको नयाँ पत्रिका दैनिकले लेखेको छ । मेलम्ची खानेपानी आयोजनाका अनुसार, अहिले ठेकेदार कम्पनीले दैनिक १७ मिटरका दरले सुरुङ खन्दै आएको छ ।

१५ असोजभित्र उपत्यकाभित्र खानेपानी ल्याउन दैनिक २८ मिटरका दरले सुरुङ खनिनुपर्ने थियो । २७.५८४ किमिमध्ये २४.३४९ किमि सुरुङ मात्र सकिएको छ । ३.१६६ किमि सुरुङ खन्न बाँकी छ । अहिले दुई प्याकेजमा चार स्थानबाट सुरुङ खन्ने काम हुँदै आएको छ । सुन्दरीजलदेखि सिन्धुसम्मको करिब १० किमि सुरुङ खन्ने काम सकिएको छ । अब सिन्धुदेखि ग्याल्थुमसम्मको सुरुङ खन्न बाँकी छ । खन्ने क्रममा चट्टान भेटिएको ठाउँ पनि यही हो ।

प्रकाशित मितिः मङ्लबार, जेष्ठ २३, २०७४     7:16:03 AM

Ganesh Pahari

See all posts by